မြို့တော် ဖနွမ်းပင်၏ စိတ်ဝင်းစားဖွယ်လေ့လာရန်နေရာများ

The TUOL SLENG GENOCIDE MUSEUM

မြန်မာနိုင်ငံမှ အထက်တန်းကျောင်းပုံစံမျိုးနဲ့တူတဲ့ Phonm penh အထက်တန်းကျောင်းတစ်ခုဖြစ်ပါတယ်။

Tour Sleng ဆိုတာကတော့ ကမ္ဘောဒီးယားနိုင်ငံမှာ ကွန်မြူနစ်တွေ ကြီးစိုးတဲ့ကာလ ၁၉၇၅ - ၁၉၇၉ အထိ Secret Prison 21 (S-21) ဆိုပြီး နာမည်ကြီးခဲ့တဲ့ ထောင်တစ်လုံးပါ။ 

အရင်ကတော့ အထက်တန်းကျောင်းပါ အဲဒါကို Khmer Rouge (ခမာကွန်မြူနစ်) တွေက 

Toul Sleng ဆိုပြီး ထောင်အဖြစ်ပြောင်းလဲခဲ့တယ်။

Toul Sleng ဆိုတဲ့ အဓိပယ်က “အဆိပ်ပင်များနှင့်တောင်ကုန်း” ပါ။

ခမာနီတွေရဲ့ခေါင်းဆောင်ကတော့ ပိုပေါ့(Pol Pot)ပါ။

ထောင်အဝင်နေရာဖြစ်ပါတယ်။ 

ယခုအခါမှာ ပြတိုက်ပြုလုပ်ထားပြီ ဖြစ်တဲ့အတွက်

နိုင်ငံခြားခရီးသွားအများအပြား လေ့လာရာ နေရာတစ်ခုဖြစ်နေပါပြီ။

 ထောင်သားတွေနေရန် အခန်း

အပေါ်ကအခန်းလေးထဲမှာ ဒီလိုနေရတယ်

ခမာနီ တွေဟာ ပြည်တွင်းစစ်အနိုင်ရပြီး လေးလအကြာ ၁၉၇၅ သြဂုတ်လမှာ စစ်ကြောရေးဌာနနဲ့ထောင်အဖြစ် ကိုပြောင်းလဲခဲ့တယ်။ စာသင်ခန်းတွေဟာ အကျဉ်းခန်းနဲ့ နှိပ်စက်ခန်းတွေ

ဖြစ်လာခဲ့တယ်။ အောက်ဆုံးထပ်က စာသင်ခန်းတွေကို အင်မတန်သေးငယ်ပြီး လူတစ်ယောက် ကွေးပြီးအိပ်ရရုံ အခန်းငယ်လေးတွေ ဖြစ်အောင်ပြုပြင်ပြီး ပြုတင်းပေါက်တွေကို အဆူးတွေပါတဲ့ သံချောင်းတွေ၊ သံစူးကြိုးတွေနဲ့ ကာထားခဲ့ပါတယ်။ ထွက်ပြေးလို့မရအောင် ပေါ့ဗျာ။

၁၉၇၅-၁၉၇၉ခုနှစ်အတွင်း လူပေါင်းနှစ်သောင်းနီးပါးလောက် ထောင်ကျပြီး၊ တခါဖမ်းရင် လူ ၁၀၀၀ ကနေ ၁၅၀၀ အထိ ဖမ်းပါတယ်။ ပြီးတာနဲ့ အဖမ်းခံရသူတွေဟာ သူတိုရဲ့ ဆွေမျိုးသားချင်းတွေ၊ မိတ်ဆွေ သူငယ်ချင်းတွေဟာ ဘယ်သူတွေလဲ ဆိုတာကိုပြောပြရတယ်။ ပြီးတာနဲ့ ဖမ်းမယ်၊ စစ်မယ်၊ သူတို့ကို လိမ်တာနဲ့ သတ်ပစ်မယ်။ အစောပိုင်းကာလတွေမှာ အသတ်ခံခဲ့ရတဲ့ လူတွေကတော့ ပိုပေါ့ ရဲ့ ဆန့်ကျင်ဘက်ပါတီက မိသားစုတွေပါပဲ ပြီးတော့ အတတ်ပညာရှင်တွေအားလုံးနီးပါး အသတ်ခံခဲ့ရတယ်။

အဖမ်းခံခဲ့ ရသူတွေရဲ့ ဓာတ်ပုံများ

ထောင်သားတွေ အတွက်ကတော့ တကယ်ကို အရှင်လတ်လတ် ငရဲရောက် ခဲ့ရတာပါပဲ။ အပေါ်ကအခန်းလေး ထဲမှာ စောင်မပါ၊ ခြင်ထောင်မပါ၊ အိပ်ရာခင်း မပါဘဲ အိပ်ကြရတယ်။ တနေ့ကို ဆန်ပြုတ် လေးဇွန်းနဲ့ ရေသာသာ ဟင်းချိုတစ်ခွက် ပါမယ်။ ခွင့်ပြုချက်မရဘဲရေမသောက်ရဘူး သောက်ရင် သေလုနီးပါး အရိူက်ခံရမယ်။ မနက်တိုင်း အစစ်ခံရမယ်။ အစောင့်တွေဟာ အခန်းတွေကိုသေချာစစ်ဆေးကျတယ်။ အကျဉ်းသားတွေရဲ့ ကိုယ့်ကိုကိုယ် သတ်သေနှုန်းကမြင့်မားလာတဲ့အတွက် သတ်သေလို့မရအောင် တင်းကျပ်လာကြတယ်။ စကားပြော ခွင့်မရှိဘူး။ ဘာပဲလုပ်လုပ် အစောင့်ရဲ့ ခွင့်ပြုချက် ယူရမယ်။ အာဟာရပြတ်မှု၊ သန့်ရှင်းရေးမရှိမှု ၊အနှိပ်စက်ခံရမှု တို့ကြောင့် လူတွေဟာ အလွယ်တကူ သေဆုံးကုန်ကျတယ်။

လူပေါင်း နှစ်သောင်းနီးပါး အဖမ်းခံခဲ့ရပြီး နောက်ဆုံးမှာ (၇)ယာက်ပဲ အသက်ရှင် ကျန်ရစ်ပါတယ်။

စစ်ကြောနည်း၊ အပြစ်ပေးနည်း ကတော့ အစုံပါပဲ။ အောက်က ဓာတ်ပုံတွေသာ ကြည့်ကြပါဗျာ။

ရေနှစ်သတ်ခြင်း

လူသတ်လက်နက်မျိုးစုံ

အပေါ်ကပန်းချီ

အောက်ပုံက တကယ့်နေရာ

 ကလေးတွေကို  ခြေထောက်ကနေ ကိုင်ပြီးရိုက်သတ်တဲ့သစ်ပင်

၁၉၇၉-ခုနှစ် ခမာနီတွေကျရှုံးပြီး ၁၉၈၀ မှာ ပြတိုက်အဖြစ် သို့ပြောင်းလဲခဲ့ပါတယ်၊

ခမာနီ ကာလ ၁၉၇၅- ၁၉၇၉ အတွင်းမှာ လူပေါင်း ၂ သန်းကျော်သေဆုံးခဲ့ပါတယ်။

ကျနော်တော့ အဲဒီကပြန်လာတဲ့ ညက မအိပ်နိုင်ဘူးဗျာ... လူပေါင်းနှစ်သောင်းနီးပါး အသတ်ခံထားရတဲ့နေရာကို .နေ့လည်ဘက် သွားခဲ့ရသော်လည်း ကျောထဲမှာစိမ့်နေတာပဲ 

ပြန်ရောက်တဲ့ အချိန်ထိလည်း ရင်တွေတုန်နေတုန်းပဲဗျာ...

ဓာတ်ပုံတွေကို Google ကယူသုံးထားပါတယ် (ကျနော်ရိုက်ခဲ့တဲ့ ဓာတ်ပုံတွေက ကျနော်အဖေဆီ ပါသွားလို့ မတင်နိုင်ပါခင်ဗျာ)

ပိုသိချင်ရင်တော့ google မှာရှာဖွေနိုင်ပါတယ်။ Tuol Sleng လို့ရေးပြီးတောရှာဖွေနိုင်ပါတယ်။

လေးစားစွာဖြင့်

ကိုထွဋ်

၀၄.၀၃.၁၁ 

credit to: http://www.kohtut27.blogspot.com

ကမ္ဘောဒီးယားနိုင်ငံ ဆီးမရစ်မြို့ရှိ ဘလော့ဂါ ကိုထွဋ်ရဲ့ ပိုစ့်လေးကို ဓာတ်ပုံများထပ်ထည့်ပြီး အားဖြည့်ပေးထားပါတယ်။ မြန်မာလူငယ်များ သွားရောက်လေ့လာသင့်တဲ့နေရာလေး တစ်ခုဖြစ်ပါကြောင်း သတင်းစကားလက်ဆင့်ပါးလိုက်ပါရစေ။

နောက်ပိုစ့်မှာတော့ 2010-ခုနှစ်တုန်းက အသက်ပေါင်းများစွာ မထင်မှတ်ပဲ ဆုံးရှုံးသွားတဲ့ ဖနွမ်းပင်မှ တံတားအကြောင်းကို ဗဟုသုတရအောင် ပြောပြအုံးမယ်လေ...။

လေးစားစွာဖြင့်

bliss of us